Agus craobhchomórtais na gcúigí críochnaithe anois, tá sé in am dúinn ár rangú cumhachta a athnuachan agus breithiúnas a thabhairt ar cé na foirne a bheidh in iomaíocht chun Craobh na hÉireann a bhaint amach.
Tabhair faoi deara: rinneadh ár ranganna a uasdátú go deireanach ar an 24ú Aibreán, 2024 .
1. Baile Átha Cliath (gan athrú)
Cé gur thug Contae Lú dúshlán i bhfad níos déine ná mar a bhíothas ag súil leis, d'éirigh le Baile Átha Cliath a 14ú craobh Laighean as a chéile a bhuachan pé scéal é, agus is ceannairí iad ar an suíomh náisiúnta fós. Tá Stephen Cluxton, Michael Fitzsimons agus James McCarthy ar fad ar ais agus ag díriú ar a 10ú bonn Uile-Éireann, agus faoi láthair tá an cuma ar an scéal go n-éireoidh leo é sin a bhaint amach.
2. Dún na nGall (suas dhá áit)
Cá fhad gur féidir le Dún na nGall dul sa chraobh i mbliana? Is cinnte go bhfuil Jim McGuinness tar éis neart creidimh agus muiníne a mhúscailt san fhoireann nach raibh na cáilíochtaí sin acu in aon chor anuraidh. I ndiaidh a thréimhse dheireanach i gceannas ar an gcontae, ní bheidh éinne ag taispeáint dímheas do Dhún na nGall. Ní hamháin gur seaimpíní Uladh iad, tá an meon agus an cultúr buaiteach sin acu, agus ba chóir go gcríochnóidh siad ar bharr a ngrúpa. Dhá chorn buaite agus Doire, Tír Eoghain agus Ard Mhacha ar fad sáraithe: is í an spéir an teorainn d’fhir Thír Chonaill.
12ú Bealtaine 2024; Bainisteoir Dhún na nGall Jim McGuinness i rith cluiche ceannais Chraobhchomórtais Peile Sinsearaí Uladh idir Ard Mhacha agus Dún na nGall ag Páirc Naomh Tighearnach, Cluain Eois, Muineachán. Grianghraf de chuid Piaras Ó Mídheach/Sportsfile
3. Doire (síos áit amháin)
Bhí roinnt seachtainí ag Doire teacht chucu féin i ndiaidh an chliste uafásaigh sin in aghaidh Dhún na nGall, agus deis acu roinnt athruithe teaicticiúla a chur i gcrích. Tá fir Mickey Harte sa ghrúpa báis, ach tá siad fós i measc na bpríomh-iomaitheoirí don duais mhór. D'fhulaing siad roinnt gortuithe sna seachtainí idir an dá linn, a d'fhéadfadh cur isteach orthu agus iad sa tóir ar Chorn Sam Maguire, ach fós féin, tá siad ar cheann de na foirne is láidre sa chomórtas.
4. Ciarraí (síos áit amháin)
Mar a tharlaíonn sé, beidh céim dhíbeartha na sraithe Uile-Éireann sroichte ag Ciarraí gan dul san iomaíocht in aghaidh aon fhoireann a bheidh ag imirt i Roinn a hAon an séasúr seo chugainn. Ní hé go bhfuil an locht orthu, is locht ollmhór sa chóras é, ach an mbeidh siad réidh aghaidh a thabhairt ar dhúshláin níos déanaí sa chomórtas? Neosfaidh an aimsir, ach le Jason Foley tar éis filleadh agus an líne tosaigh atá ar fáil do Jack O’Connor, beidh an-tionchar fós ag Ciarraí roimh dheireadh na bliana.
5. Gaillimh (suas trí áit)
Is cosúil go bhfuil athrú iomlán tagtha ar shéasúr na Gaillimhe le bua amháin agus leis an bhfuinneamh a thagann le corn an chúige a bhuachan, d’fhéadfadh fir Phádraic Joyce tiomáint ar aghaidh agus samhradh den scoth a bheith acu. Tá grúpa crua i ndán dóibh leis an Iarmhí, Doire agus Ard Mhacha, ach le críoch tagtha lena ngéarchéim gortaithe anois de réir dealraimh, beidh siad muiníneach as roinnt buanna suntasacha a bhaint amach sna seachtainí atá romhainn. Beidh cuairt Dhoire go Bóthar na Trá an Satharn beag seo an-suimiúil ar fad.
FÉACH FREISIN: Réiteach Úrscéalach ag Paul Mannion Chun Fadhb Struchtúr an Chraobhchomórtais Mhóra de chuid CLG a Réiteach
6. Ard Mhacha (síos áit amháin)
Socróidh an chaoi a mhúsclaíonn Ard Mhacha iad féin agus a ndéileálann siad le cliseadh chiceanna éirice eile a n-áit sna ranganna ar deireadh thiar thall. Faoi láthair, tá cumas den scoth ag Ard Mhacha agus ar aon lá ar leith is féidh leo aghaidh a thabhairt ar aon chontae sa tír, ach munar féidir leo iad fhéin a mhúscailt i ndiaidh cliseadh i gcluiche ceannais Uladh don dara bhliain as a chéile, seans gur samhradh gairid a bheidh ann do shaighdiúirí Kieran McGeeney.
7. Maigh Eo (gan athrú)
Níor chóir go socródh bua amháin féidearthachtaí séasúir foirne agus, ar an gcaoi chéanna, níor chóir go socródh cliseadh amháin a bhféidearthachtaí ach an oiread. Bhí an cuma ar an scéal go raibh corn Chonnachta bainte amach ag Maigh Eo ach theipeadar sa chúpla nóiméad deiridh in aghaidh na Gaillimhe. Fós féin, tá a ndóthain cumais sa phainéal le ceisteanna tromchúiseacha a chur ar neart foirne agus seans go mbeidh cor agus casadh nó dhó eile i bhfir Kevin McStay roimh dheireadh na mbliana.
8. Tír Eoghain (síos dhá áit)
Is le linn idirthréimhse atá foireann Thír Eoghain faoi láthair ach mar a léirigh siad ina gcluichí chraobhchomórtais Uladh in aghaidh an Chabháin agus Dhún na nGall, is féidir leo taispeántais mhóra a thabhairt nuair is gá. Cuirfidh Mattie Donnelly, atá aclaí arís, go mór le foireann na Láimhe Deirge agus beidh sár-seans ag aon fhoireann atá in ann glaoch ar na Canavan's, Darren McCurry agus Cathal McShane in aghaidh céile comhraic ar bith.
21ú Aibreán 2024; Molann imreoirí Thír Eoghain Darragh Canavan, ar chlé, agus Darren McCurry a chéile le linn cluiche cheathrú ceannais Chraobhchomórtais Peile Sinsearaí Uladh idir an Cabhán agus Tír Eoghain ag Kingspan Breffni, Contae an Chabháin. Grianghraf de chuid Seb Daly/Sportsfile
9. Contae Lú (iontráil nua)
Chruthaigh Contae Lú Dé Domhnaigh seo caite go bhfuil fonn orthu dul in iomaíocht i measc na foirne is láidre sa tír agus thaispeánadar a ndóthain in aghaidh Bhaile Átha Cliath le tabhairt le fios go bhféadfaidís dul go domhain sa chraobh. Ní sprioc réadúil é Sam Maguire a bhuachan faoi láthair, ach beidh fir Ger Brennan muiníneach i ndiaidh a dtaispeántais i gcluiche ceannais Laighean agus beidh fonn orthu céimeanna dhíbeartha na sraithe Uile-Éireann a bhaint amach.
10. Corcaigh (iontráil nua)
Is dúcheist iad Corcaigh i ndáiríre ach thug taispeántas na foirne in aghaidh Chiarraí cúpla seachtain ó shin le fios gur féidir leo dúshlán a thabhairt do na contaetha is treise. Tá tosaithe acu, Brian Hurley, Chris Óg Jones agus Conor Corbett mar shampla, atá in ann scóranna móra a bhaint amach agus más féidir leo Páirc an Chrócaigh a shroicheadh, d’fhéadfaidís geit a bhaint as foireann nó dhó.
