Tá an cuma ar an scéal go bhfuil cúrsaí na dtiománaithe Éireannacha ag feabhsú le blianta beaga anuas, tar éis dul trí thréimhse chiúin le 20 bliain nó mar sin anuas.
Is é Ralph Firman an tiománaí is déanaí chun rás a dhéanamh le ceadúnas rásaíochta Éireannach sa tsraith F1 - i 2003. Dhíol Eddie Jordan a fhoireann Jordan Grand Prix i 2005, agus is beag baint a bhí ag na hÉireannaigh leis an tsraith ó shin.
Tá grúpa nua tiománaithe Éireannacha ag teacht tríd faoi láthair, áfach, le Alex Dunne sa tsraith Formula 3, agus James Roe agus Jonathan Browne sa tsraith Indy NXT.
Is dócha gurb é Dunne an tiománaí a bhfuil an cáil is mó air go dtí seo, níos mó fós tar éis dó síniú mar chuid de Chlár Forbartha Tiománaithe McLaren i mí na Bealtaine 2024, rud a mbeidh mar buntáiste amháin dá ghairm tiománaithe.
Charlie Eastwood ag caint faoina dúshláin a bhaineann leis an saol mar tiománaí
Tar éis dó tosú amach sna catagóirí sóisearacha é féin, tá a fhios ag tiománaí ‘World Endurance Championship’ agus buaiteoir ‘24hr of Le Mans’ 2020 Charlie Eastwood go rómhaith faoi na deacrachtaí a bhíonn ar tiománaithe déileáil leis, agus iad ag bogadh suas na gcatagóirí - ag lua tiománaí F1 le Mercedes George Russell mar sampla maidir le cé chomh deacair is atá sé suíocháin a fháil.
Níl sa tallainne ach píosa beag de i ndáiríre, ní mór duit an tacaíocht [airgeadais] a fháil chun leanúint ar aghaidh tríd an rud ar fad.
Tá sé thar a bheith dian, is léir gur fhág mé luath go leor mar thuig mé go dtógann sé an-cuid airgid chun é a dhéanamh, go leor urraitheoirí agus is léir nach bhfuil sé éasca iad a aimsiú.
Bhí duine cosúil le George Russell dhá mhí amach ó dhul go DTM nuair a bhí F3 á dhéanamh aige, agus bhí conradh aige le DTM a dhéanamh, agus ag an nóiméad deireanach sheol sé ríomhphost chuig Toto Wolff agus anois tá sé ina réalta F1.
Ní mór an aird a mbíonn ar tiománaithe atá ag glacadh páirt sna sraitheanna Formula 2 agus Formula 3. Bíonn siad ar an sceideal céanna le Formula 1, agus mar sin de bíonn seans ag foirne súile géire a choimeád ar an gcéad ghrúpa eile tiománaithe atá le teacht.
Thiomáin Alex Dunne sa tsraith F3 don chéad uair i mbliana i mBairéin le foireann MP Motorsport, tar éis dhá bhliain an-rathúla a bheith aige sna sraitheanna F4 agus GB3. Mar sin féin, beidh é mar chuid d’fhoireann McLaren an-úsáideach dó le dul chun cinn a dhéanamh dá shaol tiománaithe, dar le Eastwood.
MP is incredibly proud to announce Alex Dunne to join the Mclaren Driver Development Programme 🧡
It’s great to see yet another F1 Driver’s Programme to connect to our drivers and have our car drive in an F1 livery. #F3 #ImolaGP pic.twitter.com/5XB9jQdIrw— MP Motorsport (@OfficialMPteam) May 16, 2024
Cinnte go bhfuil an tallann ann, agus is céim mhór é síniú Alex Dunne le McLaren le mí anuas, go háirithe ar an mbóthar sin go F1.
Tá súil agam go bhfuil siad [tiománaithe óga Éireannacha] in ann leanúint ar aghaidh ag obair chomh fada agus is féidir, agus níl ann ach an t-am leis seo ar fad.
Tá go leor torthaí láidre ag teacht tríd faoi láthair, tá súil agam go leanfaidh sé sin ar aghaidh.
Cé nach bhfuair Eastwood a seans a bheith ag tiomáint i gcarranna ‘Formula’ ag ardleibhéil, tá sé thar a bheith sásta lena ghairm ráthúil rásaíochta seasmhachta.
Chríochnaigh Eastwood agus an #81 TF Sport Corvette sa 15ú háit ina gcatagóir LMGT3 ag Le Mans thar an deireadh seachtaine.
