Ansin ní raibh ach ceathrar fágtha.
Beidh cluichí leathcheannais sinsear na hÉireann ar siúl an deireadh seachtaine 13/14 Iúil, agus beidh Ciarraí ag tabhairt aghaidh ar Ard Mhacha ar an Satharn sula n-imreoidh Gaillimh i gcoinne Dhún na nGall ar an Domhnach.
Ba é an scéal is mó a bhí sna babhtaí ceathrú ceannais ná deireadh curtha ag Gaillimh le séasúr Baile Átha Cliath, rud a fhágann, i ngach slí, an chraobh oscailte go forleathan.
Seans gur bhuaigh Gaillimh in aghaidh rogha na coitiantachta ach tá siad sa dara háit fós, dar leis na geallghlacadóirí ar a laghad.
Seo thíos liosta dosna gceithre fhoireann atá fós fágtha, bunaithe ar fachtóirí a mbainisteoir, a gcúlra, a láidreacht ar an mbinse, a móiminteam agus taispeántas a bpríomhimreoirí.
4 Ard Mhacha
Bainisteoir: 7/10 - Dúradh go raibh mí-ádh ar Kieran McGeeney san am a chuaigh thart, go háirithe tar éis cúpla cluiche a cailliúint de bharr ciceanna pionós i ndiaidh a chéile. Beidh fonn air an scéal sin a athrú.
Cúlra: 6/10 - Seo a gcéad chluiche leathcheannais ó 2005 agus mar sin beidh Ard Mhacha thíos leis sa chatagóir seo. Chaill siad an cluiche leathcheannais sin i 2005 in aghaidh Thír Eoghain ach bhuadar in aghaidh Dhún na nGall i 2003 agus Áth Cliath i 2002, ar a slí chuig an bhua amháin Uile-Éireann a bhfuil acu.
Láidreacht binse: 10/10 - Bíonn tionchar mór ag a hionadaithe go rialta, le Stefan Campbell, Aidan Nugent agus leithéidí Ross McQuillan agus Oisin O’Neill ag cinntiú go gcríochnaíonn siad go láidir i gcluichí. Is mór an teacht aniar iontu, agus tá a thuilleadh taithí ag Connaire Mackin agus Jason Duffy freisin.
Is é Conor Turbitt imreoir fíor-thábhachtach d’Ard Mhacha. Sportsfile.
Móiminteam: 9/10 - Tá siad tar éis atheagar a chuir orthu féin tar éis a gcailliúint i gcluiche ceannais Uladh trí ciceanna pionós agus tar éis bua a fháil ar an Iarmhí, Doire, Ros Comáin agus an cluiche ceannais le Gaillimh a bhraith mar bhua, tá móiminteam iontach acú.
Taispeántas na bpríomhimreoirí: 8/10 - Bhí lá neamhghnách ciúin ag Rian O’Neill in aghaidh Ros Comáin ach bhí sé i mbarr a mhaitheasa go dtí sin. Tá an séasúr is fearr aige riamh á imirt ag Conor Turbitt agus beidh seans mór aige bonn ‘All-Star’ a bhaint amach.
Scór iomlán: 40/50.
3 Dún na nGall
Bainisteoir: 9/10 - Feictear ar Jim McGuinness mar meisias i nDún na nGall agus chuir sé go mór leis an gcáil sin i mbliana. Tugann sliocht ó Pheadar Mogan achoimre mhaith ar a thionchar.
"Is é an muinín a chothaíonn sé. Tá slí iontach cur chuige aige."
Cúlra: 8/10 - Tá a dhá chluiche leathcheannais dheireanacha buaite ag Dún na nGall, i 2014 in aghaidh Baile Átha Cliath agus i 2012 in aghaidh Chorcaí. Bhí Paddy McBearty agus Ryan McHugh ag imirt i mbua 2014, le tionchar mór ag McHugh ar an gcluiche, ag scóráil 2-2.
Láidreacht binse: 7/10 - D’fhéadfaí a rá go bhfuil Aaron agus Odhran Doherty ar na hionadaithe leis an tionchar is mó acu cé go léiríonn cuireadh isteach Ciaran Thompson agus Daire O Baoill i gcluiche ceannais Uladh go mb’fhéidir nach bhfuil an binse is láidire acu.
Ní féidir Oisin Gallen aon rud a chailliúint in aghaidh Lú. Sportsfile.
Móiminteam: 8/10 - Is é a gcailliúint in aghaidh Chorcaí, nár chiall aon rud ar deireadh, an t-aon botúin amháin a bhfuil acu go dtí seo.
Taispeántas na bpríomhimreoirí: 9/10 - Is é Oisin Gallen a bpríomhscórálaí agus bhí sé i mbarr a mhaitheasa in aghaidh Lú mar a bhí cosantóir tábhachtach dóibh, Peadar Mogan, a bhfuil seansé mór aige anois Peileadóir na Bliana a bhaint amach.
Scór iomlán: 41/50
2 Ciarraí
Bainisteoir: 10/10 - Bhí Jack O'Connor ann cheana, é sin déanta aige. Tá seacht gcluiche leathcheannais na hÉireann buaite aige, agus níor chaill sé ceann fós.
Cúlra: 10/10 - Níl aon dabht faoi tallainne Chiarraí agus anois go bhfuil sean-naimhde Bhaile Átha Cliath imithe, is cinnte go mbeidh seans acu dul an slí ar fad.
Láidreacht binse: 8/10 - Bhí tionchar a bhí ag Killian Spillane agus Cillian Burke as an mbinse iontach dearfach do Chiarraí ag an deireadh seachtaine.
Láidreacht binse. Killian Spillane. Sportsfile.
Móiminteam: 7/10 - Dúirt Tomás Ó Sé go mbeadh Jack O’Connor ‘ar bís’ le bua Dé Domhnaigh ar Dhoire agus cé go mb’fhéidir gur slí maith é le dul isteach i gcluiche leathcheannais na hÉireann, gan mórán daoine ag caint ar a dtaispeántas deireanach, ní raibh sé chomh hiontach sin.
Bhí Ciarraí ag streachailt le cosaint struchtúrtha Dhoire a bhriseadh síos le fada agus níor éirigh lena bpríomhimreoirí aon cur isteach a bheith acu ar an gcluiche.
Taispeántas na bpríomhimreoirí: 7/10 - Níl David Clifford ná Sean O’Shea i mbarr a maitheasa faoi láthair, rud a mbeidh buairt orthu mar fhoireann.
É sin ráite, thógfadh sé duine cróga agus b’fhéidir amaideach fiú geall a dhéanamh in aghaidh na mbuachaillí sin roimh na seachtainí atá romhainn. Ach le haghaidh an liosta seo, ní féidir linn ach tomhas a dhéanamh ón méid atá feicthe againn go dtí seo.
Scór iomlán: 42/50
1 Gaillimh
Bainisteoir: 8/10 - Tá taifead maith ag Padraic Joyce mar bhainisteoir na Gaillimhe, leis na dtrí theideal Chonnacht deireanach buaite aige.
Tá an t-aon chluiche leathcheannais na hÉireann buaite acu le linn a thréimhse, in aghaidh Dhoire i '22. Tá taifead láidir aige freisin i gcoinne foirne Uladh, rud a sheasfaidh leo in aghaidh Dhún na nGall.
Cúlra: 8/10 - Is buntáiste mór é taithí an cluiche leathcheannais i 2022 in aghaidh Doire do Ghaillimh agus iad ag tabhairt aghaidh ar Dhún na nGall. Bhuail Baile Átha Cliath go maith iad i gcluiche leathcheannais 2018 ach ba fhoireann an-difriúil iad sin, le Shane Walsh, Sean Kelly, Comer, Kieran Molloy agus Johnny Heaney na himreoirí a bhfuil fágtha.
Seasfaidh cluichí móra mar na trí chluiche ceannais Chonnachta sin dóibh freisin.
Láidreacht binse: 8/10 - Tá éagsúlacht ag baint lena mbinse i rith na bliana mar gheall ar gortú imreoirí. Ach is roghanna láidire iad Cein Darcy, Daniel O’Flaherty agus Tomo Culhane ón mbinse agus tugann Johnny Heaney taithí leis.
Taithí ón mbinse. Scóráil Johnny Heaney pointe tábhachtach i gcoinne Baile Átha Cliath. Sportsfile.
Móiminteam: 10/10 - Tá muinín agus móiminteam ollmhór tugtha do mhuintir na Gaillimhe tríd an chluiche Átha Cliath a bhua. Ba é an bua is mó a bhí acu faoi Joyce agus tá a dtaispeántas sa dara leath suas ansin le taispeántais stairiúla den am atá thart ar nós cluichí ceannais 1998 agus 2001, nuair a bhí Joyce féin ag imirt.
Taispeántas na bpríomhimreoirí: 9/10 - Is mór an spreagadh é filleadh Cillian McDaid ón ngortú. Seans nach raibh Damien Comer 100% réidh in aghaidh Bhaile Átha Cliath ach d’éirigh leis an gcluiche iomlán a imirt ar aon nós, rud a bhí ina buntáiste mór. Le fadhbanna rúitín agus gortaithe teannán na hioscaide, is cúis mhór imní í folláine Shane Walsh, ach níl buairt ann faoina thaispeántais. Bhí sracfhéachaint tugtha dúinn Dé Sathairn faoina tallainne.
Scór iomlán: 43/50
Sin agat é, tá Gaillimh chun Craobh Peile na hÉireann a bhuachan.
