Fuair tráchtaire na gcluichí Gaelacha a raibh clú agus cáil mór air Mícheál Ó Muircheartaigh bás. Bhí sé 93 bliana d’aois.
Rugadh é i 1930 i nDún Síon, díreach taobh amuigh Daingean Uí Chúis, agus d’oibrigh sé mar mhúinteoir bunscoile agus meánscoile sular oibrigh sé do RTÉ ar bhonn lánaimseartha sna 1980dí.
Dhein sé a chéad tráchtaireacht do RTÉ ar Lá Fhéile Pádraig i 1949 nuair a imríodh cluiche ceannais Chorn an Bhóthair Iarann - tráchtaireacht a ndearna sé trí lán Ghaeilge.
Ard-mholadh ó Uachtarán Cumann Lúthchleas Gael Iarlaith Ó Broinn
Ag labhairt ar An Saol Ó Dheas ar RTÉ Raidió na Gaeltachta, thug Uachtarán Cumann Lúthchleas Gael Iarlaith Ó Broinn ard-mholadh chuig an tUasal Ó Muircheartaigh:
Mothaigh siad [an lucht éisteachta] go raibh sé ag caint leis nó léi go pearsanta, agus mhothaigh gach duine go raibh aitheanta pearsanta acu ar Mhícheál.
Nuair a bhfuair daoine seans labhairt le Mícheál ina dhiaidh, caithfidh mé a rá gur chothaigh sé an caidreamh sin iontu, go raibh aitheanta pearsanta aige ar gach duine mar nuair a ghlac sé an micreafón ina lámh, chruthaigh sé draíocht insan dóibh, dhein sé scéal an chluiche.
Cé go bhfuil muid beannaithe le cuid mhaith tráchtairí den scoth ó RTÉ, ag déanamh tráchtaireacht ar cluichí, nuair a smaoiníonn tú ar Mhícheál - ní bheidh a leithéid arís ann leis an fuinneamh acmhainn a bhí aige leis an dóigh a bhí aige agus leis an léargas a thug sé dúinn ar na cluichí.
Ní bheidh a leithéid arís ann 🙏
Micheál Ó Muircheartaigh imithe ar shlí na fírinne, ar dheis Dé go raibh a anam.
💚 💛 pic.twitter.com/HBfxfWEPTl— Spórt TG4 (@SportTG4) June 25, 2024
Rinne Mícheál Ó Muircheartaigh craoladh ar an raidió agus ar an teilifís, áit ar bhain sé cáil amach lena dhíograis, fonn cainte agus a ghrá dosna chluichí Ghaelacha.
Chraol sé as Béarla agus as Ghaeilge, agus bhí a ghrá don teanga soiléir ina chuid oibre.
D’éirigh sé as an tráchtaireacht i 2010, nuair a rinne sé tráchtaireacht ar an cluiche ceannais peile Uile-Éireann i bPáirc an Chrócaigh, áit inar bhuaigh Corcaigh an teideal. Rinne sé a chraoladh deireanach do RTÉ Raidió 1 i Mí Dheireadh Fómhair 2010.
Fuair sé bás maidin inniu go suaimhneach agus lena chlann timpeall air in Ospidéal an Mater i mBaile Átha Cliath.
